مدائح للعراق

أضف رد جديد
ايسوس العراق

مدائح للعراق

مشاركة بواسطة ايسوس العراق » الأحد مارس 30, 2014 8:01 pm


مدائح للعراق ولحال العراق بعد 2003
مديح 2003 يوم دخول قوات الاحتلال 9 -4 لبغداد
صباح هاشم الجنابي مداح النبي ومداح العراق الذي قدم ابنه للوطن بمعركة الفلوجة الاولى


والله العظيم قلوبنا مهضومة مروا على المداح واجلوا همومه
والله العظيم قلوبنا محتارة واعصابنا من الهضم منهارة
يمت تجونا بساع يهل الشارا ياالباز الاشهب فزعتك معلومة
الحيل من كثر المصايب داوي مامن صحيب بالشدايد ياوي
زاد الهضم والوقت مامتساوي يابن الرفاعي قلوبنا ملچومة
نيران شبت بالقلب مستعرة من الهضم والضيم نافش صبره
دار الوقت النا اليوم بظهرة جدي ابو القاسم امتك مضيومه
بالدير افزع عل مصيبة جدودي وسط الحشى يلهب سنا البارودي
لولا العذل لالبس هدوم السودي يحمد الراوي اليوم بيك الهومة
زادت احزاني والالم راميني مامن طبيب بالخلك يشفيني
الوكًت بيده الظالمة يلاويني كل اهل الله بالفزع ملزومة
بالنازعات ارواحنا تعبانة ياحيف عمري الي كضة باحزانة
الدهر لبسنا صروف الوانه شفنة المصيبة بليلة المشؤومة
عقلي تراده من الهضم واحزاني صرنا بقهر ياناس مدري شجاني
يمته الفرج عقب الوزة يلفاني منهو اليخلي جيوشهم مهزومة


آخر تعديل بواسطة ايسوس العراق في الأحد مارس 30, 2014 8:31 pm، تم التعديل مرتان في المجمل.

ايسوس العراق

Re: المداح صباح الجنابي للعراق

مشاركة بواسطة ايسوس العراق » الأحد مارس 30, 2014 8:15 pm

منقبة للعراق

عل بيت الاسود ياهلي انفونه والبيه يعقد مؤتمر امحونة جمع الاشرار البيه صارو عونه

الكافر يهددنا وعليكم عار وانتوا الذخر لنا يهل الاسراري
انخاك ابو الحسنين ياكرارِ ماضل صبر افزع على المحسوبِ

بارض العراق ومالفت كل شارة وين الخضر ياساكن الابحاره
تقبل يبو محمد جمع كفارة صالو علينا بلا عذر بالبوبِ
صالو علينا ياهلي يكرامي بقوة الاسلاح واذو الاسلامِ
وين الاقطاب اليوم عل ظلامي امريكا داست كل ولي ومجذوبي
امريكا داست بالحرم يجدادي وسط الاسلام وماوصلنا امدادي
تهدد امريكا عل عراق بشيني خططت الكم بالعجل مكتوبي
خططت الكم يا اهل سامرة ياعسكري ليش الكًطع فد مرة
بارض العراق اعلامكم منتشرة والروح ببعادك تراها تلوبي

ايسوس العراق

Re: المداح صباح الجنابي للعراق

مشاركة بواسطة ايسوس العراق » الأحد مارس 30, 2014 8:21 pm


مديح 2003 بعد دخول الاحتلال

دكت دفوف وصار بيها عنادي بغداد هاي تصيح وين اجدادي
ابدي بمديحي بالنبي واصحابه الحادي تنخة وشاكلكم ثوبه
ولسيد الكونين نطرق بوبه تنخة ارض بغداد طه الهادي
بقوة الاله الواحد المعبودي انخة الصحابة اهل الكرم والجودي
وين ابو بكر البل درك مشهودي عثمان ذو النورين عجل امرادي
تصرخ ارضنا اليوم يهل الغيرة سيدي يبن خطاب صرنا بحيرة
كافر يهددنا بنص الديرة وينك ابو الحسنين شوف الحادي
جسر الاسلام الماتعبر عباره ترضون يتمصخ بهل قذارة
لانخة علي الهادي واريد اسراره اوصل علينا اليوم بيها عنادي
حال الخزي حالة الجفوة جدودي بيوم الضيق مادكت الباروده
بغداد تنخة تصيح كلمن زوده وين ابو صالح عل عدو ردادي
خبري باهلنا سباع يوم الشدة يكسرون جدمة للوكًف واتعدة
وين ابو محمد ماسمعت الردة صيح الخضر عجل المدد يسنادي

ايسوس العراق

Re: المداح صباح الجنابي للعراق

مشاركة بواسطة ايسوس العراق » الأحد مارس 30, 2014 8:23 pm


المداح المرحوم حاتم مخلف المحمدي للعراق
تاه العدل والصدك وله وحكمنا الكافر وعيشتنا ذلة ..

ايسوس العراق

Re: المداح صباح الجنابي للعراق

مشاركة بواسطة ايسوس العراق » الأحد مارس 30, 2014 8:31 pm



المرحوم حاتم مخلف المحمدي عندما احتل العراق من قبل قوى الشر..
دنسوا كل كيعانه الحاخامة

لاثار طوب ولابعد خزامة
ولارفرف الباز بجناحا وحامه
باتت بوادر جورهم كل يومي وخليك ياكيلان اشبع نومِ
بغداد لو تدري حكمها طومي وماعاد نسمع صوت للعلامة
بغداد من قبل العلم شاسيها وخلة اليهودي بكل مكان اعلامه
لاثار طوب ولابعد خزامة ولارفرف الباز بجناحا وحامه
حبيب وينة المشهداني يابا وبغداد راحت بيد هل سلابة
مابيكم الينفض ياجدي ترابة ؟ ويشيل سيفة على الكفر واسلاحه
لاثار طوب ولابعد خزامة ولارفرف الباز بجناحا وحامه
خطيت بأقلام الالم واسطورة وبغداد صارت من الماضي اسطورة ؟
ابحضكم يابازنا مكسورة وان جان طوبك ماتفك الجامه
لاثار طوب ولابعد خزامة ولارفرف الباز بجناحا وحامه
ذلت معالم هل بلاد ومالت وحسرت لـ بوكا والعالمين انهارت
اهل ابغداد ابهل مصيبة احتارت وعارٍ على كل من براسة عمامة
وان جان ماكو كل امل شيل ايدك حاتم تنخة وكال ماني وليدك ؟
رفت روايانة وفشكهم ثاري ومابينت لشيوخنا اثاري
صار الخطر فوق البيوت يباري وعار على كل خاين وطمطامه
زادت قوافينه وشعرنا هذا وماضل عقلنا بروسنا ياسادة
يابو الحسن اشحذ المنة شحاذة وراسة الجبير المرعب الحكامة
صفين تشهد للامير حتاسة وكل سيد للمصطفى
ميراثة حيدر ابونة وجدنة محمد عل بساط اقدامة
لاثار طوب ولابعد خزامة ولارفرف الباز بجناحة وحامة
دنفض اترابك ياغزال الصالح وجيش الاسلام بالمعارك ناطح
وين الرفاعي البل جزيرة سايح دنسوا كل كيعانة الحاخامة ..

ايسوس العراق

Re: مدائح للعراق

مشاركة بواسطة ايسوس العراق » الأحد مارس 30, 2014 8:36 pm



مديح الف ياحيف هذا الصار بينا والعرب نيام




اريد ارسل سلامي وشكوتي لطه

ايسوس العراق

Re: مدائح للعراق

مشاركة بواسطة ايسوس العراق » الأحد مارس 30, 2014 8:39 pm


بعد هزيمة الاحتلال في الفلوجة
مديح جيوش الكفر عبلادنا شو غارت وارض العراق احتلها وميبالي
ابتدي ابمدحي والدمع مدراري
العاقل جن من الجرى والصاري
عفوك الهي الكون ياجباري
امرك ابلحظة لو شأت فعالي
نشكي الك بهمومنا تفرجها
ياعالم بالانفس ولاعجها
لاجل النبي خيول الفرج اسرجها
لارض العراق وتنصرة ياعالي
تاهت ضنون المسلمين وحارت
من عظم هل شدة العلينة صارت
جيوش الكفر عبلادنة شو غارت !
وارض العراق احتلها وميبالي !!!
شو جحفلوا بجيوشهم عل مسلمين
بغزوهم واحتلوا ارض الرافدين
اسف حكام العرب متخاذلين
خانوا عهدهم والنبي الغالي
وجود لامتك ياحبيب الله بنظر
بجاهك العالي عند رب البشر
بعون الله الخان العراق في سقر
وادي ويلي باسفلة طوالي

كوم حشم بالنبي والــ
وفزع اصحاب المصطفى الابطالي
الفلوجه صاحت تنتخي وتجاهد
وضد الغزاة وللنبي تعاهد
بارواحنه نفدي الاسلام الخالد
بادمانا نروي الارض كالشلالي
كوم حشم بالنبي والــ ال
وفزع اصحاب المصطفى الابطالي
اهل الرمادي انتخو للفلوجه
وسوو حديد خيولهم مسروجه
والعبد الاسمر ماصبر عالعوجه
ارعد وارزم للحرب خيالي
كوم حشم بالنبي والــ ال
وفزع اصحاب المصطفى الابطالي

الحلاب صاح اهل التكايه ونادى
ثورور على الكفار ياهل العاده
ومحمد الفياض ينخي جداده
وين ابو القاسم ماظي الافعالي

كوم حشم بالنبي والــ ال
وفزع اصحاب المصطفى الابطالي

متعب تنخى وصرخ عين عيونج
وارواحنه يم المساجد دونج
اهل الدرك بعيونهم يربونج
واهل الجهاد ارصاصهم هيالي

كوم حشم بالنبي والــ ال
وفزع اصحاب المصطفى الابطالي
احنه بحمى المختار طه الهادي
اله وصحبته وعترته الامجادي
فلوجه والانبار دوم تنادي
ياهل الحمى ماضل صبر للتالي

كوم حشم بالنبي والــ ال
وفزع اصحاب المصطفى الابطالي

وين ابو بكر وعمر ياهل الغيره
دين النبي نذل وتراه بحيره
احتل الكفر داري وبده بتدميره
مابقى من الاسلام غير اطلالي
كوم حشم بالنبي والــ ال
وفزع اصحاب المصطفى الابطالي

اها ياذي النورين وينك حيدر
وابلادنه بانضاركم تطهر
ترضون ارض الانبياء تدمر
بيد ابن صهيون وقتل الاطفالي

كوم حشم بالنبي والــ ال
وفزع اصحاب المصطفى الابطالي
كل مسلم يجاهد ويحمي ارضه
ويبغي الشهاده من اجل دينه وعرضه
جدي يابو الحسنين ماضن ترضى
ارض السواد احتلها الانذالي

كوم حشم بالنبي والــ ال
وفزع اصحاب المصطفى الابطالي
احتل العراق بغدر مكره وفنه
وراد التفرقه بين شيعه وسنه
الماينتخي لدين النبي مو منه
وينصر اسلامه وللكفر قتالي

كوم حشم بالنبي والــ ال
وفزع اصحاب المصطفى الابطالي

اختم مديحي بشكوتي للباري
مداح حاتم يرتجي الغفاري
بحمى النبي الفلوجه والانباري
كل العراق سهولها وجبالي

ايسوس العراق

Re: مدائح للعراق

مشاركة بواسطة ايسوس العراق » الأربعاء إبريل 02, 2014 5:44 pm


حشمت اهلنا البلدرك شجعاني ياشيخ عبد القادر الكيلاني
ماضل صبر بيت العراق انهاني الاسلام تذبح كل وقت يجدادي
الاسلام تذبح والفزع ماباني يهل الحمية السركم رباني
صحت الرفاعي وين ابو سليماني ليش الكطع يجداد عل مترادي
ليش الكًطع ياجداد شل اعذاري يمكن دريتو بالجرى والصاري
تقبل يبو الحسنين هل اخطاري تحيط الاسلام وماوصلنا امدادي
تحيط الاسلام اخطار بوش وعونه ومابينت شارات يوم الكونة
بارض العراق اطفال واتنخونة ارض العراق يحاصروها اوغادي
بارض العراق يهددون شعيبي واتحدوا رجال الدرك والغيبي
ذل وخزي نوطئ توال الشيبي راعي الشيم يجنيد يالبغدادي
راعي الشيم يالساكن الودياني جدي يخضر الياس كوم احماني
خبري بشيمكم تشهد العربان حال العراق شيوخنا مترادي
حال العراق بضيم وبحسرات بغداد تصرخ داسوا الحرمات
بجنين وبغزة يشن غارات وبارض الافغان اليوم صار اعنادي
بارض العراق انذبحوا الاسلامي ورادوا نفطنا ذولة هل ظلامي
كافي يسادات العرب يكرامي يابو الحسن منهو اليصير سنادي
يابو الحسن ياحيدر الكراري خيبر تعدى وصال عل ابراري
لخاطر نبينا ياهلي الاسرار جودو بفزع صارت تراها طرادي
جودو بفزع ياجملة الصلاحي ياهل التصوف ياهلي السياحي
شارون عل مقدس شهر لسلاحي دنس اعراض اسلام يا اوتادي
اختم واصلي عل نبي العدناني باعداد مارد الحرف قراني

ايسوس العراق

Re: مدائح للعراق

مشاركة بواسطة ايسوس العراق » الخميس إبريل 03, 2014 7:20 pm



المرحوم حاتم مخلف مداح طه النبي
حشمت ابو اعلامين والكيلاني

ايسوس العراق

Re: مدائح للعراق

مشاركة بواسطة ايسوس العراق » الخميس إبريل 03, 2014 7:24 pm



على ظهور الشكر شدوا الخيالة ..سالم ياوطن بيد العراقيين

ايسوس العراق

Re: مدائح للعراق

مشاركة بواسطة ايسوس العراق » الخميس إبريل 03, 2014 7:30 pm



بالقوة اجتنا امريكا واحتلتنا هذا العراق وغالية تربتنا

ايسوس العراق

Re: مدائح للعراق

مشاركة بواسطة ايسوس العراق » الأربعاء إبريل 30, 2014 2:58 pm



مديح 9 نيسان 2003
احتلوا بلدنا الكفر لانصب راية لاسيادي اهل الله لادز شكواية
من دمع عيني لارسل المكتوبي لكل سيد صادق سلك الدروبي
والله ان مافزعوا على المحسوبي لانصب رواية سود من بلوايه
مداحكم بالضيق كام ينادي جيوش الكفر يايابا داز الثاية
انتو الذخر يسياد كلها تدري واني ابمدحكم اطرب وافتخري
احضرنا بالشدات يابو قدري يالترهب الثعبان انت حماية


جدي يبو علامين عزمي بادي خايف اريد افزاعكم يجدادي
صرنا بشدة احضر ياعلي الهادي لانصب ثلث رايات عل علاية
لانصب ثلث رايات فوك العالي للهادي وحدة الثانية للال
والثالثة للخضر جدنا الغالي حرابكم من العدو مدماية
راية فزع ياجدي انا ناصبلك مداحكم عند الشدايد ادرك ذل الكفر يسيادي اسمى الغاية
غزيت راية وحشمت لابن ادهم حاموا بلدنا بالفزع ويايه

ايسوس العراق

Re: مدائح للعراق

مشاركة بواسطة ايسوس العراق » الخميس مايو 08, 2014 4:23 pm



بغداد بافعال الزلم تتباهة

بالاعظمية نارهم علكانا كلهم نشامى وبالحرب كوانه
كلهم نشامى يناطحون الداني بيوم الضرايب دشو الميداني
شد الشفية وصاح يانعماني بوش اللعين شحدة يتحدانة

صورة العضو الشخصية
عاشق الرافدين
Sergeant - Arif
Sergeant - Arif
مشاركات: 219
اشترك في: الثلاثاء إبريل 24, 2012 12:21 am
مكان: بغداد
اتصال:

Re: مدائح للعراق

مشاركة بواسطة عاشق الرافدين » السبت أغسطس 09, 2014 10:25 am

بارك الله بك وجزاك كل خير .... تقبل تحياتي وودي
أنــا عاشـــــــــق الرافـــــــــديـــــــــــن

أضف رد جديد

العودة إلى “الموسيقى العسكرية”