العراق عبر التأريخ ...

استريح اغاتي، و اشرب جاي و سولف
أضف رد جديد
ايسوس العراق

العراق عبر التأريخ ...

مشاركة بواسطة ايسوس العراق » الجمعة يوليو 04, 2014 4:04 pm




سالته ذات ليلة متى واين ولماذا وكيف اصبحت عراق والى متى ستبقى عراق؟
فانا اسال والعراق يجيب
-
اني جيت وليش اجيت ويمتى اجيت وشلون اجيت منين اجيت
جاي من نطفات كوثر والرحم حضرة امام والثدي الرضعني طاهر
ليش اجيت ...جاي اغامر جاي اكابر جاي اقطع كل شرك يقطع محطة
وكل صنم يسجد له كافر واسقي كل حبة رمل دم الحسين
يمتى اجيت ...من زمان من قبل اسم الزمان من غوة تفاحة ادم وانطرد من الجنان
من طفر والكًاع تفتر ووين ماتفتر يطيح بهل مكان
من زماااااااااااااااان
عاصرت خوف السفينة وها نسينة مانسينة وشفت نوح واربعينة والسفينة
وكترتهم بين ضلعيني وشربت الطوفان
من زماااااااااااااان من لكة الجاحظ كتابي ولم عقاقيري بن سينا
وداعب انغامي الفرابي ورقصت كل المدينة
من هدت كل العشاير وفات ابن فرناس بجناحاته طاير حت يسقي البرتقال لان جان الغيم عاقر
من زماااااااااااااان منين اجيت ؟ من علج ماي الشمال من طعم رطبات ساير
من حجر تمثال شاعر من قصايد حاج زاير من شمعدان الكنائس من صدى صوت المنابر
من الف ليلة وليلة العل حسين يلبسن اسود يوم عاشر
من فجيعة يوم عاشر من دمع حي الحسين
انة جيت من حقل مجنون ليلى ومن حفر باطن عراقي
حاربوني وجرحوني اني باقي حاصروني جوعوني رادوا يقسموني بس
خط العرض والاستواء انشدن وصارن نطاقي
وردت اعبر على باجر تدري ليش؟
ردت اعبر عل باجر جي شفت اصغر اخوتي التوة صاير يبوك برمال ام قصر عز النهار ..ويبني بيني وبينة ساتر ..
لين شفت نفسي وحيد ووين مادير الظهر اشبع خناجر
وجي علي صف الرصاص ودنكت كل الضماير
وجي طفت بية الشضايا الفتحت اكياس السواتر
من حفر ذيج السواتر عيني شافت تل ابيب
من الجماجم والهياكل للسما يدك ارتفاعة
وكل مدينة صاحت بشبه الجزيرة الكاع كاعي
مارضت تدفع اجار واتصادرت مثل البضاعة
وشافت الكوثر يمد ايديه سواكي
الكل طفل بدموعه يسبح
وينقلب تابوته قالب والجفن يصبح شراعة
وشافت الام التناعة
وكل ابو بدم طفلة داعة
وكل بضاعة وكل قذيفة بنصي طاحت مسحة صارت
حفرت بصدري نهر اسمه المجاعة طوله حقد الخزرجية
وقاعة خسة قينقاعة وعرضه ساعة وجرفة باجر
شيعبرني عل باجر ؟
سنين حاير والخوذ والروس طاحت
وعلمودي تراصفت صخور صارت
مدت الباجر قناطر ..وعبرت حتى الكناطر وانة عابر
بقت بيديه بس الصور كلهن تذاكر
صور من المعركة تبجي الخواطر ..صورة لدموع اليجوع ويشبع بعصبة خواصر
ولاشعات المريض عينه عل موت ويكابر
ولفطر سقف الشريف المايعوف اهلة ويهاجر
والنقط عشرات طالب سوى قمصانة دفاتر
صورت كل نقطة ترمز للتفاخر من شفت عين النفط تدفن نفسها وماتدفي امريكي كافر
من عرق تعب الفلح صب علمساحي ونام بضلوع البيادر
من شفت صورة طفل شايل بديه ايد خبزات لخواته وايد تكات الجكاير
من عبرت عل القناطر من طفت بيه الشضايا الفتحت اكياس السواتر
من كتبت اسم العراق وصفكًت كل الضماير

أضف رد جديد

العودة إلى “قهوة عزاوي”